Olke.az saytından verilən məlumata görə, ain.az xəbər verir.
“Azərbaycanla Türkiyə arasında 2021-ci il 15 iyun tarixində - xalqımızın Milli Qurtuluş Günündə Şuşada Müttəfiqlik Bəyannaməsi imzalanmasının böyük rəmzi mənası var. Çünki belə bir mühüm sənədin imzalanmasınadək gedən yolun başlanğıcı 15 iyun 1993-cü ildə Ulu öndər Heydər Əliyevin Azərbaycanı siyasi xəritədən yoxolma təhlükəsindən xilas etdiyi gündən başlayır. Məhz Ulu öndər Heydər Əliyevin yenidən hakimiyyətə gəlişi ilə Azərbaycanı üzləşdiyi təhlükələrədn xilas edərək müstəqilliyinin dönməzliyini və davamlı inkişafını təmin etdi. Azərbaycanın bugünkü qələbələrinin, uğurlarının əsası məhz Ulu öndər tərəfindən qoyulub. Müasir Azərbaycan dövlətçilyinin memarı Ulu öndər Heydər Əliyevin müyyən etdiyi cənab Prezident İlham Əliyev tərəfindən uğurla həyata keçirməklə Azərbaycan dövlətini, xalqını dünyanın qalib dövləti və xalqına çevirib. Şuşa Bəyannaməsi də bünövrəsi Ulu öndər Heydər Əliyev tərəfindən qoyulan və onun siyasi irsinin layiqli davamçısı cənab İlham Əliyev tərəfindən yürüdülən uğurlu siyasət nəticəsi olaraq müstəqilliyimizin əbədiliyinin, sarsılmazlığının, tarixi Zəfərimizin yaratdığı reallıqların təqdimatının və beynəlxalq səviyyədə qəbulunun nümayişi idi”.Bunu Ölkə.az-a açıqlamasında Milli Məclisin deputatı Aydın Hüseynov deyib.
Deputat bildirib ki, Şuşa Bəyannaməsi Azərbaycanın müstəqilliyi tarixində iki qardaş ölkə arasında imzalanan, hərbi və siyasi təhlükəsizlik məsələlərini özündə ehtiva edən ilk rəsmi sənəd olmaqla yanaşı, regionda yeni geosiyasi və geoiqtisadi münasibətlərin başlanğıcını yeni bir mərhələsi idi: “Bu sənəd təkcə iki ölkə arasında əlaqələrin müttəfiqlik səviyyəsinə qalxmasına deyil, deyil, Cənubi Qafqazda, Mərkəzi Asiya, Türk dünyası, Yaxın Şərq və daha geniş coğrafiyada sülhə, sabitliyə, təhlükəsizliyə və sıx əməkdaşlığa xidmət edən mühüm bir sənəddir. Artıq sənəddə əksini tapan müddəalar öz bəhrəsini verməkdədir. Bunun nəticəsidir ki, iki qardaş ölkə yeni dünya düzənində daha ciddi oyunçu qismində çıxış etməklə regional və qlobal proseslərə yön verməkdədirlər.Artıq Bakı və Ankara Avrasiyanın gələcək yeni logistik xəritəsini müəyyən edən ölkələrə və bu məsələdə qovşaq ölkələrə çevriliblər. Bu gün Avrasiya coğrafiyasında demək olar ki, bütün logistik xətlər ancaq Azərbaycan və Türkiyənin iştirakı ilə reallaşır. Azərbaycansız və Türkiyəsiz bunları təsəvvür etmək belə mümkün deyil.
Bütün bunlar nəticə etibarı ilə Azərbaycanın qarşısında duran hədəflərə nail olmağa, eyni zamanda Zəngəzur dəhlizinin açılması ilə yekunlaşacaq.
Belə ki, Bəyannamədə xüsusi vurğulanan Zəngəzur dəhlizinin açılması iqtisadi, ticarət, nəqliyyat sahəsinin inkişafında mühüm rol oynayacaq. Bu dəhlizin açılması isə Şərqlə Qərb arasında ciddi iqtisadi əhəmiyyətə malik olmaqla yanaşı, ölkələrimizin sosial-iqtisadi vəziyyətinin yaxşılaşmasına, təhlükəsisliyinin daha etibarlı şəkildə təmin olunmasına səbəb olacaq”.Mürtəza
Ölkə.az
Hadisənin gedişatını izləmək üçün ain.az saytında ən son yeniliklərə baxın.
