AFFA-nın təşkilatçılığı ilə Slovakiyada UEFA Pro kursunun 2-ci mərhələsi keçirilir.
Offsideplus.az AFFA-nın rəsmi saytına istinadən xəbər verir ki, təlimatçılar Aslan Kərimov, Osman Rəhimov, Arif Əsədov və Ramin Quliyevin rəhbərliyi ilə keçirilən kursa 10 iştirakçı qatılıb.
Bunlar Elnur Çodarov, Fərid Namazov, Elman Sultanov, Çudomir Çakarov, Rüstəm Məmmədov, Vaqif Cavadov, Rəşad Abdullayev, Aqil Nəbiyev, Aleksandr Qross və Zamir Həsənovdur.
Kursların təşkilində məqsəd Slovakiyada baş tutan 21 yaşadək milli komandalar arasında Avropa çempionatının final mərhələsinin oyunlarından analiz və müzakirələrin aparılmasıdır.
Qeyd edək ki, Slovakiyanın Bratislava, Trnava, Nitra və Dunayska Streda şəhərlərində təşkil olunan Avropa çempionatı iyunun 28-dək davam edəcək.
