2024-cü ildə Almaniyada vətəndaşlıq alan türklərin sayı əvvəlki ilə nisbətən yüzdə 110 artaraq 22 min 525-ə çatıb.
Bu artımla Türkiyədən Almaniyaya gedənlər Suriyalılardan sonra Almaniya vətəndaşı olan ikinci ən çox insan qrupu olub.
"Cebheinfo.az" xəbər verir ki, Almaniya Federal Statistika İdarəsinin (Destatis) açıqladığı məlumatlara görə, 2024-cü ildə Almaniya vətəndaşlığını qəbul edən türk əsilli insanların sayı 2023-cü illə müqayisədə iki dəfədən çox artıb.
2023-cü ildə 10.735, 2024-cü ildə bu rəqəm yüzdə 110 artaraq 22.525-ə çatıb. Bu, Almaniya vətəndaşı olmuş icmalar arasında ən yüksək mütləq artım kimi qeydə alınıb.
“Deutsche Welle” (DW) radiosunun məlumatına görə, 2024-cü ildə toplam 291 955 əcnəbi vətəndaş Almaniya pasportu əldə edib.
Bu, 2000-ci ildən bəri vətəndaşlığa qəbullarda illik ən yüksək artım olub. Suriyalılar 83 150 nəfərlə birinci, 22 525 nəfərlə türklər ikinci yerdədir. Onları 13 545 İraq və 12 980 Rusiya vətəndaşı izləyib.
