Futbol üzrə I Liqada 2024/2025 mövsümünün oyunlarını 64 min 595 tamaşaçı izləyib.
Offsideplus.az PFL-in rəsmi saytına istinadən xəbər verir ki, bu qədər azarkeş 135 oyun ərzində qeydə alınıb.
Bu isə o deməkdir ki, hər matça stadiondan orta hesabla 478 nəfər baxıb.
Çempionatın iki qarşılaşmasının nəticəsi sonradan ləğv edilsə də, “Difai” – MOİK (40 tamaşaçı) və “Cəbrayıl” - “Qaradağ Lökbatan” (70 tamaşaçı) oyunları tamaşaçı sayında nəzərə alınıb.
“Karvan” izləyici sayında hamını böyük fərqlə qabaqlayıb. Yevlax təmsilçisi ev oyunlarında orta hesabla 1950 tamaşaçı toplayıb. “İmişli” 2-ci, “Mingəçevir” 3-cü olub.
8-ci və 24-cü turlarda keçirilən “Karvan” - “Qəbələ” matçlarını daha çox - 3000 tamaşaçı izləyib.
Üç görüşdə isə 2500 izləyici qeydə alınıb. Bu, 5-ci turun “Karvan” – “İmişli”, 7-ci turun “Karvan” – “Cəbrayıl” və 22-ci turun “İmişli” – “Karvan” görüşləridir.
