ABŞ senatoru Bernie Sanders, Donald Tramp administrasiyasının Los-Ancelesdəki qeyri-qanuni mühacirlərə dəstək nümayişlərinə qarşı ordu yeritmək qərarını “daha çox güc əldə etmək cəhdi” kimi tənqid edib.
"Operativ Məlumat Mərkəzi-OMM" xəbər verir ki, bununla bağlı xarici KİV məlumat yayıb.
Sanders, Instagram sosial media platformasında yerləşdirdiyi videoda Trampın Milli Qvardiya və Dəniz Piyadalarını Los-Ancelesə göndərməsinə reaksiya verib.
Trampın bu addımının etirazlarla bağlı olmadığını müdafiə edən Sanders Los-Ancelesə qoşun yeritməsini “şübhəli hüquqi səlahiyyətlərlə öz gücünü artırmaq cəhdi” kimi qiymətləndirib.
Sanders, Milli Qvardiyanın yerləşdirilməsinin əyalət qubernatorunun səlahiyyəti olduğunu vurğuladı və Trampın bu addımını “absurd və gülünc” adlandırdı.
