ain.az, Qafqazinfo saytından verilən məlumata əsaslanaraq xəbər yayır.
“Waymo” şirkətinin özünü idarə edən sürücüsüz taksiləri Los-Ancelesdə etirazçıların hədəfinə çevrilib.
“Qafqazinfo” “The Wall Street Journal”a istinadən xəbər verir ki, həftəsonu “Alphabet”in törəmə şirkətinə məxsus elektrik avtomobilləri immiqrasiya həbslərinə qarşı etirazlar zamanı qraffiti ilə bəzədilib və yandırılıb.
“Waymo” isə iyunun 9-da Los-Ancelesin mərkəzində sürücüsüz taksi xidmətinin məhdudlaşdırıldığını, lakin digər ərazilərdə xidmət göstərməyə davam etdiyini açıqlayıb. Qeyd olunub ki, mövcud yerlərdə qiymətlər və uzun növbə müddətləri artırılıb.
if (!$ISMOBILE) : ?>
include(__DIR__.'/320x100.php');?>
Elektrikli avtomobillərin yanğınları yüksək yanma temperaturlarına görə adi olanlardan daha təhlükəlidir.
Qeyd edək ki, Los-Ancelesdəki iğtişaşlar ABŞ-nin İmmiqrasiya və Gömrük Mühafizə Xidmətinin hərəkətləri ilə alovlanıb. Ağ Ev tərəfindən ölkədəki qeyri-qanuni mühacirləri tutmaq və deportasiya etmək tapşırılıb. ABŞ Prezidenti Donald Tramp iğtişaşları yatırtmaq üçün şəhərə 2000 Milli Qvardiya əsgərinin göndərilməsini əmr edib.
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
