Demokrat.az-ın əldə etdiyi xəbərə görə, Bakı şəhər sakini Əhməd əziyyət çəkdiyi “paranoid şizofreniya” psixi xəstəliyinin təsiri altında anlaqsız vəziyyətdə, yəni öz əməlinin faktiki xarakterini və ictimai təhlükəliliyini dərk etmək və onu idarə etmək iqtidarında olmadan 14 iyun 2024-cü ildə, saat 13 radələrində qohumu Vaqifin yaşadığı evin qarşısına gəlib.
O, Vaqifdən ona yaxınlaşmasını xahiş edib və heç bir əsaslı səbəb olmadan, xuliqanlıq niyyəti ilə üzərində olan mətbəx bıçağı ilə onun sol bel nahiyyəsindən bir dəfə qəsdən vurub.
Hadisəni törədən Əhmədin barəsində Cinayət Məcəlləsinin 126.2.4-cü (ümumi təhlükəli üsulla, xuliqanlıq niyyətilə qəsdən sağlamlığa ağır zərər vurma) maddəsi ilə ittiham elan edilib.
Cinayət işi üzrə təqsirləndirilən şəxs qismində ifadə verən Əhməd ona elan olunmuş ittiham üzrə özünü təqsirli bilib. O bildirib ki, törətdiyi əməlindən peşmandır: “Zərərçəkmiş şəxs ilə eyni kənddə yaşayırdıq. Sonuncu ilə qohumluq münasibətlərim var. Zərərçəkmiş şəxs atamın dayısı oğludur. Mən Zərərçəkmiş şəxsə bıçaqla vurmuşam. Zərərçəkmiş şəxsi vurmağımın səbəbi sonuncunun məni uzun müddət əvvəl söyməsi olub. Mən əvvəlcə zərərçəkmiş şəxsi çölə çağırmışam və heç nə demədən qarın boşluğundan bir dəfə bıçaqla vurmuşam. Bu hadisəni heç kim görməyib. Zərərçəkmiş şəxsi vurduqdan sonra sonuncu mənə heç nə demədi. Daha sonra özüm birbaşa polisə gedərək təslim oldum”.
İş üzrə zərərçəkmiş qismində ifadə verən Vaqifin sözlərinə görə, təqsirləndirilən Əhməd onun bibisi nəvəsidir: “İyunun 14-də Xocasən qəsəbəsində yaşadığım evin həyətində iş görürdüm. Həmin vaxt kiminsə məni çağırdığını eşitdim. Gördüm ki, məni çağıran Əhməddir. O, qapıdan bir qədər aralı dayanmışdı. Əhməd mənimlə işi olduğunu və çölə çıxmağımı bildirdi. Mən çölə çıxan zaman qapı açıq olub. Əhməd mənə işi düşdüyünü bildirdi və qapını bağlamağımı istədi. Mən qapını bağlamaq üçün arxaya çönən zaman Əhməd bir dəfə bıçaqla vuraraq qaçdı”.
Zərərçəkmiş bildirib ki, daha sonra o, oğlu Ağamusanı çağırıb: “Oğlum Təcili Tibbi Yardıma zəng vurdu və Təcili Tibbi Yardım əməkdaşları gələrək məni xəstəxanaya apardılar. Mən Əhmədi heç vaxt söyməmişəm. Aramızda heç bir problem olmayıb. Münasibətlərimiz əvvəldən yaxşı olub. Mən Əhmədin psixi xəstəliyinin olduğunu əvvəldən bilirdim. Əhmədə qarşı şikayətçi deyiləm, ona qarşı heç bir şikayət və tələbim yoxdur”.
Bu cinayət işinə Bakı Ağır Cinayətlər Məhkəməsində baxılıb. Məhkəmənin hökmü ilə Əhmədin Cinayət Məcəlləsinin 126.2.4-cü maddəsində nəzərdə tutulan cinayət əməlini anlaqsız vəziyyətdə törətməsi sübuta yetirilmiş hesab olunub.
Əhmədin ictimai təhlükəli əməli törətdiyi zaman anlaqsız vəziyyətdə olduğuna görə cinayət məsuliyyətindən azad edilib. Onun barəsində Cinayət Məcəlləsinin 95.0.3-cü maddəsinə əsasən ixtisaslaşdırılmış psixiatriya stasionarlarında məcburi müalicə şəklində tibbi xarakterli məcburi tədbirlər tətbiq edilib.
Qərarın icrası Səhiyyə Nazirliyinin 1 saylı Respublika Psixiatriya Xəstəxanasına həvalə edilib.
Fariz Məlikli
Demokrat.az
10Mənbələr
-
news24.azUşaqpulu ilə bağlı MÜHÜM XƏBƏR: VERİLƏCƏK ( 18067240)
-
news24.azBu tarixlərdə doğulan hər körpəyə UŞAQ PULU VERİLƏCƏK ( 18061036)
-
azertag.azLu Mey: Çin Qlobal Cənub ölkələrinin, o cümlədən Azərbaycanın potensialı gücləndirmək, rəqəmsal və intellektual uçurumu aradan qaldırmaq səylərini dəstəkləməyə davam edəcək ( 18067087)
-
Ajans.azZukerberq xüsusi komanda qurur: onun əsas məqsədi... ( 18066493)
-
demokrat.azBakıda 33 yaşlı oğlan qohumunu bıçaqladı— TƏFƏRRÜAT ( 18066157)
-
bizim.mediaTəhsil tələbə kreditindən yararlananların 62 faizi qızlardır – RƏSMİ ( 18065965)
-
bakuinfo.netKreditlərlə bağlı mühüm xəbər – Bu şəxslərin borclar silinəcək? ( 18064822)
-
tribunainfo.azUşaqpulu ilə bağlı MÜHÜM XƏBƏR ( 18064219)
-
bakivaxti.azUşaqpulu ilə bağlı MÜHÜM XƏBƏR ( 18063538)
-
demokrat.azQolf meydançasına göydən köpək balığı düşdü ( 18062572)
