Banco.az saytından əldə olunan məlumata görə, ain.az məlumat yayır.
Müəllif: Tamara Mustafayeva, Banco.az
Avronun qlobal rolu mötədil artım göstərib.
Banco.az xəbər verir ki, Avropa Mərkəzi Bankının (ECB) yayımladığı illik qiymətləndirmə hesabatına görə, avronun qlobal istifadəsi təxminən 20 faizə yüksəlib. Bununla yanaşı, valyuta ehtiyatlarındakı payı dəyişməyərək qalıb və hələ də ABŞ dollarının payının təxminən üçdə biri səviyyəsindədir.
ECB bildirib ki, avro ilə ifadə olunan beynəlxalq borc emissiyalarının həcmi rekord səviyyəyə çatıb və avro ilk dəfə olaraq qlobal yaşıl və dayanıqlı istiqrazlar bazarında lider mövqeyə yüksəlib. Bununla belə, gündəlik valyuta ticarətində avronun istifadə səviyyəsində nəzərəçarpacaq azalma müşahidə olunub.
ECB-nin prezidenti Kristin Laqard hesabatda qeyd edib ki, “Avropalı siyasətçilər zəruri şəraiti yaratdıqları və verdikləri vədləri əməli addımlarla dəstəklədikləri təqdirdə, avronun qlobal cəlbediciliyini artırmaq üçün mühüm imkan mövcuddur”.
Laqard vurğulayıb ki, bunun üçün iqtisadi dayanıqlılığın, hüquqi və institusional bütövlüyün, eləcə də geosiyasi etibarlılığın daha da gücləndirilməsi vacibdir.
Bizi sosial şəbəkələrdən izləyin!!
Daha ətraflı məlumat və yeniliklər üçün ain.az saytını izləyin.
