İran hakimiyyəti ölkənin qərbi və şimalında yetkinlik yaşına çatmayanları zorlamaqda təqsirli bilinən üç kişinin səhər tezdən asılmaqla edam edildiyini elan edib
Bakıvaxtı.az “LeFigaro.fr”ə istinadən xəbər verir ki, bu barədə dövlət xəbər agentliyi olan “Mizan” məlumat verib.
Xəbərdə qeyd olunur ki, İranda qətl və zorlama ölüm cəzası ilə cəzalandırılır. Müəyyən hallarda silahlı soyğunçuluq, casusluq, narkotik qaçaqmalçılığı və ya küfrə görə də edam həyata keçirilə bilər.
2024-cü ilin avqust ayında qərbdəki Qorve şəhərində 14 yaşlı oğlana təcavüz edən iki kişi Ali Məhkəmənin ölüm hökmünü qüvvədə saxlamasından sonra asılıb. Agentlik onların məhkəməsinin nə vaxt keçirildiyini dəqiqləşdirməyib.
Başqa bir halda, 2025-ci ilin avqust ayında Rəştdə (İranın şimalı) başqa bir kişi 10 yaşlı uşağı zorlayıb öldürdüyünə görə edam edilib. “Amnesty International” da daxil olmaqla, insan haqları qruplarının məlumatına görə, İran Çindən sonra dünyada ən çox edam həyata keçirən ikinci ölkədir.
Norveçdə yerləşən İran İnsan Hüquqları və Ölüm Cəzasına Qarşı Birlikdə QHT-lərinin (ECPM) son hesabatlarına görə, İran hakimiyyət orqanları 2025-ci ildə ən azı 1639 nəfəri edam edib ki, bu da 1989-cu ildən bəri rekord göstəricidir.
Aydın
