BAKI, 27 may. TELEQRAF
Ermənistanın Avropa İttifaqı və ya Avrasiya İqtisadi İttifaqı arasında seçim məsələsi xalq tərəfindən müəyyən ediləcək.
Teleqraf xəbər verir ki, bu barədə Ermənistanın Baş naziri Nikol Paşinyan seçicilərlə görüşü zamanı bildirib.
O qeyd edib ki, ölkənin gələcək geosiyasi istiqamətini hökumət deyil, Ermənistan vətəndaşları müəyyən etməlidir:
“Ermənistan xalqının seçim imkanı olmalıdır – Avrasiya İqtisadi İttifaqında olmaq və ya Avropa İttifaqına inteqrasiya. Bu qərarı mən yox, xalq verəcək”, – Paşinyan deyib.
O əlavə edib ki, onun əsas vəzifəsi vətəndaşlar üçün alternativlərin yaradılmasıdır:
“Güclü tərəf xalqdır. Həmin qərarı verəcək olan da sizsiniz”, – deyə o vurğulayıb.
Qeyd edək ki, Ermənistanda parlament seçkiləri iyunun 7-də keçiriləcək.
