Ermənistanın Baş naziri Nikol Paşinyan AİB daxilində əhəmiyyətli təsirə malik olduğunu və təşkilat daxilində heç bir problemin onun üçün keçilməz olmadığını bildirib.
Ermənistan hökuməti başçısının sözlərinə görə, bu status onun baş nazir kimi Hökumətlərarası Şuranın iclaslarında və dövlət başçısı kimi Ali Avrasiya İqtisadi Şurasında iştirakından irəli gəlir.”Bu status mənə AİB daxilində mənim üçün keçilməz heç bir məsələnin olmadığını iddia etməyə imkan verir.” — Nikol Paşinyan deyib.
Parlament seçkilərindən sonra Paşinyan AİB-in dörd əsas prinsipinin – malların, xidmətlərin, işçi qüvvəsinin və maliyyənin sərbəst hərəkətinin həyata keçirilməsinə diqqət yetirmək niyyətindədir. “Bu dörd prinsipin tətbiqi ilə bağlı həll edə bilməyəcəyim heç bir məsələ yoxdur.” — Nikol Paşinyan qeyd edib. Lakin o əlavə edib ki, Ermənistan eyni zamanda həm Avropa İttifaqının, həm də AİB-in üzvü ola bilməz. Hazırda seçim etməyə ehtiyac yoxdur, çünki ölkə Avrasiya blokunun üzvüdür və eyni zamanda Aİ ilə münasibətlərini dərinləşdirir.
//Samir Qurbanov, Editor.az
