Dövlət Sərhəd Xidməti və Daxili İşlər Nazirliyi əməkdaşlarının birgə keçirdiyi əməliyyat zamanı külli miqdarda narkotik vasitənin ölkəyə keçirilməsinin qarşısı alınıb.

Qurumların yaydığı məlumata görə, əməliyyat mayın 23-də Dövlət Sərhəd Xidmətinin Sərhəd Qoşunları Komandanlığının Lənkəran sərhəd dəstəsinin xidməti ərazisində həyata keçirilib.

Birgə keçirilən kompleks əməliyyat-axtarış tədbirləri nəticəsində ümumi çəkisi 38 kiloqram 130 qram narkotik vasitə və 2890 ədəd psixotrop tərkibli “Metadon M-40” həbi aşkarlanaraq dövriyyədən çıxarılıb.

Məlumata əsasən, narkotik vasitələrin qaçaqmalçılıq yolu ilə Irandan Azərbaycana keçirilməsi planlaşdırılıb.

Faktla bağlı əməliyyat-istintaq tədbirlərinin davam etdirildiyi bildirilib.

• Əməliyyat
• Narkotik
• Sərhəd
• İran
• 38 Kiloqram