Demokrat.az saytından verilən məlumata əsasən, ain.az məlumatı açıqlayır.
2026-cı ilin ikinci yarısında “Apple” qatlanan “iPhone”dan tutmuş OLED ekranlı “MacBook Pro”ya qədər bir sıra yeni cihazları təqdim etməyə hazırlaşır. Demokrat.az xəbər verir ki, bu barədə “Tom’s Guide” nəşri sənaye insayderləri və analitiklərə istinadən məlumat yayıb.Payızın əsas yeniliyi kimi qatlanan “iPhone”un debütü gözlənilir. Sızan məlumatlara görə, cihaz 7,6–7,7 düymlük daxili ekran, təxminən 5,3 düymlük xarici ekran və demək olar ki, görünməyən ekran qatına sahib olacaq. Həmçinin maye metaldan hazırlanmış yeni menteşə və “Face ID” əvəzinə “Touch ID” istifadəsi nəzərdə tutulur. Gözlənilən qiymət təxminən 2500 dollar olacaq.Eyni zamanda “Apple” yeni “Pro” seriyasını 2 nanometrlik A20 Pro çipi, daha kiçik “Dynamic Island” və dəyişən diafraqmalı təkmilləşdirilmiş kamera ilə yeniləməyi planlaşdırır. Məlumata görə, baza “iPhone 18” modellərinin təqdimatı 2027-ci ilin yazına keçirilib.Noutbuk seqmentində əsas yenilik “MacBook Pro M6” olacaq. Məlumatlara görə, cihaz daha nazik korpus, sensor OLED ekran və klassik “çentik” əvəzinə yeni dizaynlı kəsiklə təqdim olunacaq. OLED panellərinin istehsalına “Samsung Display” tərəfindən artıq hazırlıq görüldüyü bildirilir.Planşet kateqoriyasında OLED ekran və A20 prosessorlu “iPad mini 8”, həmçinin A19 çipinə əsaslanan yenilənmiş baza “iPad” gözlənilir. “Apple” həmçinin yeni saatlar – “Apple Watch Series 12” və ehtimal ki, “Ultra 4” modelini də hazırlayır. Dizaynda ciddi dəyişiklik gözlənilmir, lakin sağlamlıq sensorlarının və süni intellekt funksiyalarının gücləndiriləcəyi bildirilir.2026-cı ilin sonunadək təqdim olunması gözlənilən cihazların tam siyahısı:“iPhone 18 Pro”
“iPhone 18 Pro Max”
“iPhone Fold (Ultra)”
“MacBook Ultra”
“Mac Studio”
“Mac mini”
“iMac 24”
“Apple Watch Series 12”
“Apple Watch Ultra 4”
“iPad 12”
“iPad mini”
“Apple TV”
“HomePod mini”
“HomePod”
“Home Hub”Xatırladaq ki, gələn ay “Apple” qatlanan format üçün optimallaşdırılmış ilk mobil əməliyyat sistemi olacaq “iOS 27”ni təqdim edəcək.Daha əvvəl insayderlər yubiley “iPhone XX” modelinin “mikro əyri” ekran dizaynını açıqlamışdı. Bu ekran cihazı demək olar ki, tam çərçivəsiz göstərərək vahid şüşə effekti yaradacaq və bu ideyanın vaxtilə Stiv Cobs tərəfindən də dəstəkləndiyi bildirilir.Jalə
Demokrat.az
Daha ətraflı məlumat və yeniliklər üçün ain.az saytını izləyin.
