ain.az bildirir, Demokrat.az portalına istinadən.
Dünyada hər il təxminən 20 milyon insanın ölümünə səbəb olan və ən geniş yayılmış ürək xəstəliyi forması hesab edilən koronar arteriya xəstəliyinin (arteriyaların tutulması) birbaşa bağırsaq mikrobiotası ilə əlaqəli olduğu elmi şəkildə sübut edilib. Demokrat.az beynəlxalq tibbi tədqiqat mərkəzlərinin rəsmi hesabatlarına istinadən xəbər verir ki, mütəxəssislər bağırsaqlarda yaşayan 15 spesifik mikrob növünün ürək tutması və insulta yol açan damar tıxanıqlığı prosesində birbaşa iştirak etdiyini aşkarlayıblar.Cənubi Koreyanın Seul şəhərindəki Sunkyunkvan Universitetinin genomika üzrə mütəxəssisi həkim Han-Na Kimin rəhbərliyi ilə aparılan yeni tədqiqat çərçivəsində xəstə və sağlam şəxslərin analiz göstəriciləri müqayisə edilib və müəyyən olunub ki, müvafiq 15 bakteriya növündən 7-si ürək xəstəliyi olan insanlarda həddindən artıq çoxluq təşkil etdiyi halda, qalan 8 növ isə tamamilə tükənib. Alimlər bəzi "dost" bağırsaq bakteriyalarının sağlam və qeyri-sağlam bağırsaq mühitindən asılı olaraq fərqli funksiyalar yerinə yetirdiyini, hətta bəzi fərqli pasiyentlərdə həm müsbət, həm də mənfi təsir göstərə bilən "Lachnospiraceae" bakteriyasının "həm həkim, həm də problem yaradan" ikili xarakterə sahib olduğunu bəyan edirlər. Bağırsaq sağlamlığının təkcə həzmə deyil, həm də beyin, immun sistemi, metabolizm və xüsusilə ürək-damar fəaliyyətinə olan fundamental təsirlərini növbəti dəfə təsdiqləyən bu mühüm kəşf, gələcəkdə bağırsaq mikroflorasına müdaxilə etməklə dünyada kütləvi ölüm faizini kəskin şəkildə azaltmağa imkan verəcək.Jalə
Demokrat.az
Ən son xəbərləri və yenilikləri almaq üçün ain.az saytını izləyin.
