"İnter"in ulduzu Hakan Çalhanoğlu tezliklə İstanbulun "Qalatasaray" klubunun formasını geyinə bilər. Metbuat.az xəbər verir ki, bu iddia ilə Türkiyə mediası çıxış edib. Yerli mətbuat Hakan Çalhanoğlunun "uşaqlıq eşqi" adlandırdığı "Qalatasaray"a keçmək üçün hər cür fədakarlığa hazır olduğunu yazıb. Qeyd edək ki, "sarı-qırmızılı" klub 32 yaşlı futbolçunun transferi üçün 12 milyon avro büdcə aýırıb. İtaliya klubu isə Hakan Çalhanoğluna 25 milyon avro qiymət qoyub. "Hakan qiyməti aşağı salmaq üçün klub rəhbərliyi ilə danışıqlar aparır. Təkcə İtaliyanın deyil, həm də Avropanın ən yaxşı yarımmüdafiəçilərindən biri olan Hakan Çalhanoğlu tezliklə "Qalatasaray"ın formasını geyinəcək", - "Sözcü" qəzeti yazıb.
