Cebheinfo portalından alınan məlumata görə, ain.az xəbər verir.
1946-cı ildən sonra doğulan insanların səhhəti əvvəlki nəsillərə nisbətən daha erkən yaşda pisləşir.
“Cebheinfo.az” xəbər verir ki, bunu yeni bir araşdırma göstərib.
Onminlərlə insanın iştirak etdiyi 50-dən çox Britaniya tədqiqatının təhlilinə əsaslanan araşdırmada bu proses "nəsil sağlamlıq sürüşməsi" kimi təsvir edilib. Bu, piylənmə və ruhi xəstəliklərin artmasında, eləcə də diabet məlumatlarında daha çox özünü göstərir.
Ümumilikdə, nəticələr göstərir ki, sonrakı nəsillər həyatlarının daha çox hissəsini daha pis sağlamlıq şəraitində keçirə bilərlər.
Tədqiqatçılar qeyd edirlər ki, bu tendensiya təkmilləşdirilmiş diaqnoz və ya səhiyyə sistemlərinin inkişafı ilə tam izah edilə bilməz. Fərqlər hətta diaqnozdan asılı olmayan piylənmə kimi vəziyyətlərdə və hətta diabet kimi obyektiv biomarkerlərdən istifadə edildikdə belə davam edir.
Psixi sağlamlıq müqayisələri klinik diaqnozlara deyil, narahatlıq və depressiya simptomları haqqında standartlaşdırılmış özünüqiymətləndirmələrə əsaslanıb. Nəsillər arasında məlumatların müqayisəsini təmini üçün sübut edilmiş metodologiyalardan istifadə olunub.
London Universitet Kolleci, London Kral Kolleci və Oksford Universitetindən bir tədqiqat qrupu İkinci Dünya Müharibəsindən sonra doğulan nəsilləri araşdıraraq eyni yaşlarda sağlamlıq göstəricilərini müqayisə edib.
"Population Studies" jurnalında dərc olunan tədqiqat daha çox insanın xroniki xəstəliklərlə yaşayacağı təqdirdə səhiyyə sistemlərinə təsirini diqqətə çatdırır. Bundan əlavə, siqaret çəkmə nisbətinin azalmasına, təhsil səviyyəsinin yüksəlməsinə və erkən yaşda həyat şəraitinin yaxşılaşmasına baxmayaraq, insanlaırn sağlamlıq vəziyyəti pisləşir.
Aparıcı müəllif Laura Jimenoya görə, sonrakı nəsillər müxtəlif xəstəliklərin, xüsusən də piylənmə və ruhi pozğunluqların daha erkən başlanğıcını yaşayırlar. O, bu "dəyişmənin" cəmiyyətdə sağlamlıqdakı irəliləyişlərin bioloji həddə çatmadığını, əksinə qarşısı alına bilən sosial və ətraf mühit amilləri ilə əlaqəli olduğunu göstərir.
Müəlliflər xəbərdarlıq edirlər ki, xüsusən də əhalinin qocalması nəzərə alınmaqla bu tendensiya səhiyyə sistemlərinə və dövlət büdcələrinə yükü artıra bilər. 2050-ci ilə qədər Böyük Britaniya əhalisinin təxminən dörddə biri 65 yaşdan yuxarı olacaq ki, bu da səhiyyə və sosial qayğıya tələbatı artırır.
20-ci əsrdə ömür uzunluğu əhəmiyyətli dərəcədə artsa da, sağlam ömür uzunluğunun artması 2010-cu illərin əvvəllərindən bəri yavaşlayıb və son illərdə orta yaşda sağlamlığın azalması səbəbindən azalma əlamətləri müşahidə olunub.
Britaniyalıların (1946-2002-ci illər arasında anadan olmuş insanlar) 51 tədqiqatına əsaslanan bir araşdırma gənc nəsillərdə sağlamlığın yaxşılaşmasının zəif əlamətlərini aşkar edib. Tədqiqatçılar "piylənməyə səbəb olan" mühit də daxil olmaqla, ətraf mühit və sosial risk faktorlarındakı dəyişikliklərin əhəmiyyətli rol oynaya biləcəyinə inanırlar.
Məhdudiyyətlərə baxmayaraq (məlumatların Böyük Britaniyadan olması nəzərdə tutulur-red.) digər tədqiqatlarda da oxşar tendensiyalar müşahidə edib. Müəlliflər sağlamlığın bu nəsillərarası azalmasının səbəblərini anlamaq üçün əlavə tədqiqatların aparılmasının vacib olduğu qənaətinə gəliblər.
Xəzər
“Cebheinfo.az”
Problemlərinizi bizə yazın, şahidi olduğunuz hadisələri çəkib göndərin
Ən son xəbərləri və yenilikləri almaq üçün ain.az saytını izləyin.
