Azərbaycan millisinin futbolçusu Ozan Can Kökçünün çıxış etdiyi “Volendam” Niderland çempionatında elitada qalmaq uğrunda pley-off oyununa çıxıb.
QOL.az xəbər verir ki, komanda “Villem II” ilə qarşılaşıb. İlk matçda 2:1 hesablı qələbə qazanan “Volendam” cavab görüşündə eyni hesabla uduzub.
Əlavə vaxtda qol olmadğına görə qalib penaltilər seriyasından sonra dəqiqləşib. Penaltilərdə daha uğurlu olan “Villem II” qələbə qazanıb və Erediviziyaya yüksəlib.
“Volendam” isə yeni mövsümdə I Liqada mübarizə aparacaq.
Ozan bu görüşdə iştirak etməyib. Onun adı iştirak ərizəsində də olmayıb.
