Ukrayna Prezident Ofisinin rəhbəri ölkəsinin tarixi baxımdan “Rus” irsinin əsas daşıyıcısı olduğunu bildirib...
Poliqon xəbər verir ki, Kiril Budanov Ukraynanın tarixi baxımdan Kiyev Rusunun varisi olduğunu bəyan edib və ölkəsinin regionda üstün mövqeyə malik olmalı olduğunu vurğulayıb.
“Rus Kiyev Rusudur. Rus daha böyük anlayışdır. Ukrayna bütün bunların və hətta bu gün mübarizə apardığımız qüvvələrin belə vətənidir. Biz tariximizin böyük hissəsini könüllü şəkildə onlara verdik, onlar isə bunu özəlləşdirdilər. Rus bizik və bütün bunların üzərində hökmranlıq etməliyik”, deyə Budanov çıxışı zamanı qeyd edib.
Ukraynalı rəsmisinin bu açıqlaması sosial şəbəkələrdə və siyasi dairələrdə geniş müzakirələrə səbəb olub. Ekspertlər qeyd edirlər ki, Budanovun fikirləri Ukrayna ilə Rusiya arasında davam edən siyasi və ideoloji qarşıdurmanın tarixi aspektlərinə yönəlmiş mesaj kimi qiymətləndirilir.
Qeyd edək ki, Kiyev Rus dövləti IX-XIII əsrlərdə Şərqi Avropada mövcud olmuş orta əsr siyasi qurumudur və həm Ukrayna, həm də Rusiya tarixşünaslığında mühüm yer tutur. Hər iki ölkə bu dövlətin siyasi və mədəni irsi üzərində tarixən müxtəlif iddialar irəli sürüb.
Poliqon.info
