Xərçəng, bədxassəli hüceyrələrin nəzarətsiz bölünməsi nəticəsində yaranan xəstəlikdir. Bədənin demək olar ki, hər hansı bir hissəsinə təsir göstərə bilər və simptomlar fərqlidir.
Nə qədər tez aşkar edilərsə, remissiya şansı bir o qədər yüksəkdir.
Xərçəngin bəzi əlamətləri spesifik ola bilər, digərləri isə asanlıqla digər xəstəliklərlə qarışdırıla bilər.
Medicina.az xəbər verir ki, Kaliforniya Universiteti alimlərinin araşdırmasına görə, başqa bir sağlamlıq problemi ilə əlaqəli ola biləcək dörd xərçəng simptomu var.
Lakin, əgər onlar xroniki hala gəlirsə, yəni iki həftədən çox davam edirsə və ya daimi olursa -ciddi qəbul edilməlidir.
Bunlara xroniki öskürək, xroniki baş ağrısı, davamlı ağrı və davamlı yorğunluq daxildir.
Həkimlərə görə, iki həftədən çox davam edən öskürək, xüsusən də quru öskürək, ağciyər xərçənginin əlaməti ola bilər.
Baş ağrısı
İki həftədən çox davam edən və dərmanlara cavab verməyən baş ağrısı beyin şişindən qaynaqlana bilər.
Ağrı
Bədənin hər hansı bir yerində, heç bir səbəbi olmayan və standart müalicəyə cavab verməyən davamlı ağrı ya ilkin şişi, ya da metastazları göstərə bilər.
Yorğunluq
Yuxu və istirahətdən sonra belə keçməyən davamlı yorğunluq lösemi, limfoma və ya hər hansı bir xərçəng növünün əlaməti ola bilər. Xərçənglə əlaqəli yorğunluq şişin istehsal etdiyi maddələrdən qaynaqlanır. İştahın azalması, çəki itkisi, metabolik pozğunluqlar və fiziki fəaliyyətin olmaması da yorğunluğa səbəb olur.
Bütün bu simptomlar, fərdi və ya kollektiv olaraq, mütləq xərçəngi göstərmir, lakin hər halda müayinədən keçməyə dəyər.
Xərçəngin digərəlamətlərinə diqqət yetirin (əgər davam edirsə):
Hər hansı bir qanaxma
Qarın şişkinliyi
Döş dəyişiklikləri
Udmaqda çətinlik
Davamlı göyərmə
Tez-tez infeksiyalar
Ağızda dəyişikliklər
Menopozdan sonrakı qanaxma
Qarın ağrısı və ya ürəkbulanma
Səbəbsiz çəki itkisi
Xallarda dəyişikliklər
Həddindən artıq tərləmə, xüsusən də gecələr.
Aygün Musayeva
