Türkiyə Prezidenti Rəcəb Tayyib Ərdoğan İzmirdə keçirilən "EFES-2026" çoxmillətli birgə müştərək hərbi təliminin Yüksək Səviyyəli Müşahidəçi Gününə qatılıb.
Far.Az xəbər verir ki, bu barədə Türkiyə Prezidentinin Ofisi məlumat yayıb.
Tədbirdə müxtəlif ölkələrdən yüksək rütbəli hərbçilər iştirak ediblər. Müşahidəçilər arasında Azərbaycanın müdafiə naziri Zakir Həsənov da yer alıb.
Qeyd edək ki, "EFES-2026" təlimi Türkiyənin İzmir vilayətində təşkil olunur. Təlimlərə Azərbaycan Ordusu da daxil olmaqla ümumilikdə 50 ölkədən 10 min 300 hərbi qulluqçu cəlb edilib.
