Birləşmiş Millətlər Təşkilatının (BMT) Ümumdünya Şəhərsalma Forumunun 13-cü Sessiyası (WUF13) çərçivəsində “BMT-nin 2026-cı il Su Konfransı Şəhər mənzillərinin yol xəritəsi” adlı tədbir keçirilir.
AZƏRTAC xəbər verir ki, tədbirdə Bakıdan Əbu-Dabiyə qədər mənzil və şəhər xidmətləri üzrə inteqrasiya olunmuş yol xəritəsi müzakirə ediləcək. Sessiyada su təchizatı, sanitariya, mənzil, torpaq idarəçiliyi və qeyri-formal yaşayış məntəqələrinin transformasiyası dayanıqlı şəhər inkişafının əsas istiqamətləri kimi diqqət mərkəzində olacaq.
Tədbirin moderatoru Milli Su və Kanalizasiya Korporasiyasının Biznes və Elmi Xidmətlər üzrə baş direktoru Rose Kaggva olacaq. Açılış nitqi ilə BMT Baş katibinin müavini və UN-Habitat-ın icraçı direktoru BMT-nin Məskunlaşma Proqramının (UN-Habitat) icraçı direktoru Anaklaudia Rossbax çıxış edəcək. Əsas məruzəçi qismində isə Qlobal Su İqtisadiyyatı Komissiyasının icraçı direktoru və komissarı Henk Ovink iştirak edəcək.
