“Bizim üçün aydın olan odur ki, şəhər strukturu hərəkətlilik davranışına, əlçatanlığa və əməliyyat səmərəliliyinə güclü təsir göstərir. Lakin vacib məqam budur ki, yalnız çoxmərkəzlilik , yəni bir neçə mərkəzin olması , kifayət etmir. Çoxmərkəzli sistemlər yalnız o halda uğurlu olur ki, onlar nəqliyyat yönümlü inkişaf, qarışıq funksiyalı (mixed-use), piyada gedişinə uyğun və insanların vaxt keçirmək istədiyi əlverişli məkanlar vasitəsilə bir-biri ilə real şəkildə əlaqələndirilsin. Əks halda insanlar avtomobillərə üstünlük verir və başqa istiqamətlərə gedirlər”.
SİA xəbər verir ki, bu sözləri BAKI BAŞ PLANI 2040: Şəhər salmada yeni inkişaf dövrü WUF13-DƏ” panel sessiyasında Davamlılıq Siyasəti və Tədqiqatı üzrə rəhbəri Chris Trott bildirib.
Onun sözlərinə görə, bu slayd davranış aspektini ən aydın şəkildə göstərir. Daha kompakt və yaxşı əlaqələndirilmiş şəhər strukturları orta səfər məsafələrini azaldır, piyada hərəkətini, velosiped istifadəsini və ictimai nəqliyyatdan istifadəni artırır və nəticə etibarilə daha sağlam şəhərlər yaradır. Daha dağınıq və zəif əlaqələndirilmiş strukturlar isə avtomobildən asılılığı və uzun səfər məsafələrini artırır. Bir çox hallarda mobillik davranışı məhz şəhər strukturunun özü tərəfindən formalaşdırılır.
Tədqiqat həmçinin göstərdi ki, şəhər strukturu və əməliyyat dekarbonizasiyası müxtəlif inkişaf modellərində fərqli şəkildə qarşılıqlı təsir göstərir. Lakin əsas nəticə ondan ibarət oldu ki, uğurlu transformasiya yalnız ayrı-ayrı sistemlərin optimallaşdırılması ilə deyil, bir neçə şəhər sisteminin birlikdə inkişaf etməsi ilə mümkündür.
Daha geniş strateji işlərimiz gələcək şəhər dayanıqlığının şəhər həyatı ilə ətraf ərazi sistemləri , mobillik, landşaft, ekologiya, su, ərzaq sistemləri və infrastruktur ,arasında daha güclü əlaqələrdən asılı olacağını araşdırdı. Əsas vurğuladığımız məqam təkcə şəhərin son vizyonu deyil, həm də şəhər həyatının zamanla necə mərhələli şəkildə formalaşması idi. Bu yanaşma məhsuldar torpaqların inkişafı və yeni mərkəzlərin yaradılması daxil olmaqla mərhələli şəhər inkişaf modelini araşdırırdı”.
