Evdə qurabiyə bişirərkən qarşılaşdığımız ən böyük problemlərdən biri, üstü tam istədiyimiz kimi qızardığı halda, alt hissəsinin yanması və ya həddindən artıq bərkiməsidir. Hətta bir neçə dəqiqəlik diqqətsizlik belə bütün əməyinizi boşa çıxara bilər. Bu problemin qarşısını almaq üçün mətbəxdə hər kəsin əlinin altında olan çox sadə bir material kifayət edirmiş.
Pravda.az qurabiyələrinizin altının yanmasını əngəlləyəcək o sehrli üsulu təqdim edir
Qurabiyələrin altının tez yanmasının əsas səbəbi metal soba sinilərinin istiliyi birbaşa və sürətlə qurabiyə xəmirinə ötürməsidir. Soba kağızı (perqament kağız) istifadə etsəniz belə, bəzən alt hissənin qaralmasının qarşısını almaq olmur.
Həll yolu: Alüminium folqa üsulu
Qurabiyələrinizin altının yanmasını istəmirsinizsə, tətbiq edə biləcəyiniz ən effektiv üsul alüminium folqa və soba kağızını birlikdə istifadə etməkdir.
Necə tətbiq olunur?
Soba sinisinin içini tamamilə örtəcək şəkildə bir qat alüminium folqa sərin.
Folqanın üzərinə isə adi qaydada soba kağızını (perqament) yerləşdirin.
Qurabiyələrinizi bu kağızın üzərinə düzərək sobaya qoyun.
Bu üsul necə işləyir?
Alüminium folqa sobadan gələn birbaşa istiliyi əks etdirərək paylayır və bir növ qalxan rolu oynayır. Üstündəki soba kağızı isə qurabiyələrin folqaya yapışmasının qarşısını alır. Beləliklə, istilik bərabər paylanır və qurabiyələrinizin həm altı, həm də üstü eyni dərəcədə, ideal şəkildə bişir.
Qeyd: Sinini təkrar istifadə edərkən soyudun. Əgər bir neçə dəfə qurabiyə bişirəcəksinizsə, yeni xəmirləri isti sininin üzərinə düzməyin. Sininin tam soyumasını gözləyin, əks halda xəmir sobaya girmədən əriməyə başlayacaq və altı yenə tez yanacaq.
Soba rəfinin seçimi: Qurabiyələrinizi sobanın ən alt rəfində deyil, hər zaman orta rəfində bişirməyə üstünlük verin.
Əminə Bayramova
