Demokrat.az portalından əldə olunan məlumata əsasən, ain.az xəbər verir.
Qarğıdalı çubuqları uşaqlıqdan tanış olan sadə bir qəlyanaltı kimi görünsə də, az adam onların nədən hazırlandığını və sağlamlığa təsirini düşünür.Demokrat.az xəbər verir ki, "DemarPlyus" şirkətinin qarğıdalı emalı üzrə texnoloqu Lesya Ogilko UNIAN-a açıqlamasında məhsulun tərkibi və hazırlanma prosesi barədə danışıb. “Dobrobut” tibb şəbəkəsinin qastroenteroloq-diyetoloqu Lyudmila Fedorçenko isə bu qəlyanaltının kalorili dəyəri və kimlər üçün uyğun olmaması barədə məlumat verib.Qarğıdalı çubuqları necə hazırlanır? - Şirin, duzlu və əlavəli variantlarMütəxəssisin sözlərinə görə, qarğıdalı qəlyanaltıları, o cümlədən çubuqlar xüsusi texnologiya ilə hazırlanır:Əsas tərkib adətən qarğıdalı unudur, lakin bəzi hallarda buğda unu və ya qarışıqlar da əlavə olunur. Tərkibə şəkər, duz, aromatizatorlar və dadlandırıcı əlavələr də qatılır. Nəticədə ya şəkər pudralı şirin çubuqlar, ya da pendir və göyərti dadlı duzlu variantlar əldə olunur.İstehsal ekstruziya adlı xüsusi avadanlıq vasitəsilə aparılır. Qarışıq yüksək temperatur və təzyiq altında “partlayaraq” məsaməli quruluşa çevrilir.“Beləliklə, məsaməli məhsul yaranır. Bu struktur heç bir əlavə kimyəvi maddə olmadan formalaşır. Əsas məqam odur ki, ekstruziya prosesi xammalın faydalı xüsusiyyətlərini tamamilə məhv etmir. Həm rəng, həm forma, həm də tərkib üzərində eksperiment aparmaq mümkündür. Hətta amarant və mərciməkdən də bu texnologiya ilə məhsullar hazırlanır”, deyə texnoloq bildirib.Qarğıdalı çubuqlarını evdə hazırlamaq olarmı?Ekspertin sözlərinə görə, bunun üçün xüsusi ekstruziya avadanlığı lazımdır və hətta kiçik ölçülü cihazlar belə sənaye avadanlığı sayılır.“Evdə bunu etmək mümkün deyil, çünki xüsusi elektrik, su bağlantıları və texniki şərait tələb olunur”, deyə o qeyd edib.Sənaye qurğuları bir növbədə 10 tona qədər məhsul istehsal edə bilir, kiçik qurğular isə 10–30 kq arası istehsal üçün nəzərdə tutulur.Qarğıdalı çubuqları: fayda və zərərQastroenteroloqun sözlərinə görə, bu məhsul göründüyü qədər faydalı deyil:“Əsasən sürətli karbohidrat mənbəyidir. Yəni bu, sağlam qida deyil, sadəcə enerji verən qəlyanaltıdır”.Kalori dəyəri 100 qram üçün 370–500 kkal arasında dəyişir. Xüsusilə pendirli və yağlı variantlar daha kalorilidir.Həkim xəbərdarlıq edir ki, bu məhsul çox tez yeyilir və insan fərqində olmadan artıq kalori qəbul edə bilər.Hər gün yemək olarmı?Mütəxəssislər gündəlik deyil, 20–30 qramlıq kiçik porsiyalarda və nadir hallarda istifadəni tövsiyə edir.Aşağıdakı qruplara isə ümumiyyətlə məhdudlaşdırmaq məsləhətdir:* artıq çəkisi olanlar
* şəkərli diabet və insulin müqaviməti olanlar
* yüksək trigliserid səviyyəsi olanlar
* hipertoniya xəstələri
* ödəmi olanlar
* böyrək xəstələriUşaqlar üçün isə sağlamlıq problemi yoxdursa, az miqdarda və hər gün deyil.Jalə
Demokrat.az
Daha ətraflı məlumat və yeniliklər üçün ain.az saytını izləyin.
