BP-nin Azərbaycan, Gürcüstan və Türkiyə üzrə regional prezidenti Cio Kristofolinin rəhbərlik etdiyi nümayəndə heyəti ekologiya və təbii sərvətlər naziri Rəşad İsmayılovla görüşüb.
Manset.az xəbər verir ki, görüşdə BP ilə ətraf mühitin mühafizəsi və ekoloji vəziyyətin yaxşılaşdırılması istiqamətində həyata keçirilən layihələr ətrafında fikir mübadiləsi aparılıb, mövcud əməkdaşlıq istiqamətləri və gələcək perspektivlər müzakirə olunub.
Görüş zamanı Azərbaycanın 5 iyun 2026-cı il tarixində Ümumdünya Ətraf Mühit Gününə ev sahibliyi edəcəyi qeyd olunub və tədbirə hazırlıq məsələləri müzakirə edilib.
