ain.az, Demokrat.az portalına istinadən məlumat yayır.
Süd, dondurma, yoqurt və pendir kimi süd məhsulları bir çox insanın qidalanmasının vacib hissəsidir. Lakin bəzi hallarda süd məhsullarından imtina faydalı ola bilər.Demokrat.az xəbər verir ki, bu barədə “Health” nəşri yazıb.Məqalədə qeyd olunur ki, laktoza dözümsüzlüyü və akne problemi olan insanlar süd məhsullarından imtina etdikdən sonra simptomların azaldığını müşahidə edə bilərlər.Bununla yanaşı, nəşr süd məhsullarından imtinanın müəyyən mənfi təsirlərinin də ola biləcəyini vurğulayır.Süd məhsullarından imtina etdikdə orqanizmdə baş verən dəyişikliklər:1. Laktoza dözümsüzlüyünün simptomları yox ola bilərSüd məhsulları laktoza adlı şəkər tərkibli inək südündən hazırlanır. Bu maddə bir çox insanlarda həzm problemlərinə səbəb ola bilər.Nəşrin məlumatına görə, dünya əhalisinin 75 faizə qədəri laktoza dözümsüzlüyündən əziyyət çəkir. Bu insanlarda orqanizm laktozanı parçalamaq və mənimsəmək üçün lazım olan laktaza fermentini kifayət qədər istehsal etmir.Laktoza dözümsüzlüyü olan insanlar süd məhsulları qəbul etdikdən sonra qarında köp, qaz və ishal kimi simptomlarla qarşılaşırlar.Buna görə ABŞ Milli Diabet, Həzm və Böyrək Xəstəlikləri İnstitutu bildirir ki, süd məhsullarından imtina laktoza dözümsüzlüyünün simptomlarını azalda və bəzi insanlar üçün düzgün seçim ola bilər.2. Akne problemi olan insanlarda yaxşılaşma müşahidə oluna bilərAraşdırmalar göstərir ki, süd məhsulları, xüsusilə süd qəbul edən insanlarda akne daha tez-tez yaranır.“Journal of the European Academy of Dermatology & Venereology” jurnalında dərc olunan məqaləyə görə, bu, süd məhsulları qəbul edən insanlarda insulinəbənzər böyümə faktoru-1 (IGF-1) və insulin kimi hormonların səviyyəsinin daha yüksək olması ilə əlaqəli ola bilər.3. Kalsium və D vitamini qəbulu azala bilərSüd məhsulları orta statistik amerikalının qidalanmasında əsas kalsium mənbəyi hesab olunur və gündəlik kalsium normasının təxminən 40 faizini təmin edir.“MDPI” saytında yayımlanan məqalədə qeyd olunur ki, zənginləşdirilmiş süd məhsulları, xüsusilə süd, həm də əsas D vitamini mənbələrindən biridir. Bir stəkan zənginləşdirilmiş süd gündəlik D vitamini normasının 23 faizini təmin edir.4. Çəki itirə bilərsinizƏgər pendir və tam yağlı süd kimi məhsullardan həddindən artıq kalori qəbul edirsinizsə, onlardan imtina arıqlamağa kömək edə bilər.5. Zülal qəbulu azala bilərYoqurt və pendir kimi süd məhsulları yüksək keyfiyyətli zülal mənbəyidir. Bir porsiya pendir və ya yoqurt 23,5 qramdan çox zülal ehtiva edir və bu da onları zülal qəbulunu artırmaq istəyənlər üçün ideal qəlyanaltı və ya səhər yeməyi variantına çevirir.Jalə
Demokrat.az
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
