Meksika Şəhəri Hökuməti Ümumdünya Şəhərsalma Forumunun on üçüncü sessiyasının (WUF13) “Urban Expo” sərgisində öz pavilyonunun açılışını edir.
APA xəbər verir ki, açılış mərasimində Meksika hökumət nümayəndələri, Latın Amerikası və Karib hövzəsi ölkələrinin nümayəndə heyətləri, eləcə də beynəlxalq tərəfdaşları bir yerə toplaşıb.
Pavilyonda dayanıqlı şəhərsalma, ictimai məkanlar, mobillik, inklüzivlik və insan mərkəzli şəhər siyasətləri ilə bağlı təşəbbüs və təcrübələr nümayiş etdirilir, eyni zamanda region üzrə dialoq və uğurlu təcrübələrin mübadiləsi təşviq olunur.
Pavilionda Latın Amerikası şəhərlərinin mənzil təminatı, bərabərsizlik və iqlim dəyişikliyi kimi ortaq şəhər problemlərinin həllində rolunun vurğulanması, həmçinin WUF14-ə gedən yolda regional əməkdaşlığın gücləndirməsi perspektivlərinin müzakirə olunması gözlənilir.
