Yeniavaz portalından verilən məlumata görə, ain.az xəbər yayır.
İsrail məhkəməsi Baş nazir Benyamin Netanyahuya qarşı 18 may tarixində keçiriləcək dinləmələri baş nazirin xahişi ilə təhlükəsizlik və siyasi səbəblərə görə təxirə salıb.
Yeniavaz.com xəbər verir ki, bu barədə “Kan” dövlət teleradio şirkəti məlumat verib.
Məlumata görə, hakim Rivka Fridman Feldman məhkəməyə təqdim edilən bildirişdə göstərilən məlumatlar və əlavə sənədlər nəzərə alınmaqla 18 may tarixinə təyin olunmuş dinləmənin təxirə salınması barədə qərar verib.
“Kan”ın məlumatına görə, Netanyahunun 18 may tarixində Qəzza zolağı sahillərinə gedən Fələstin tərəfdarı fəallardan ibarət daha bir donanmanın nəzarətini ələ keçirmək məsələsini müzakirə etmək üçün təhlükəsizlik iclası planlaşdırılıb.
Donanmadakı 57 gəmi ötən həftə Türkiyəni tərk edib. Donanmanın ələ keçirilməsinin yaxın saatlarda başlanacağı gözlənilir.
Qeyd edək ki, İsrailin baş naziri üç korrupsiya işi ilə ittiham olunur: 700 000 şekeldən (230 000 dollar) çox qanunsuz hədiyyələr qəbul etmək, siyasətinin müsbət işıqlandırılması müqabilində media qaydalarını saxtalaşdırmaq və dostlarının xeyrinə layihələri həyata keçirmək üçün rüşvət almaq.
Xatırladaq ki, məhkəmə prosesi Təl-Əviv və Qüdsdə olmaqla 2020-ci ildən bəri davam edir. Baş nazir 2024-cü ilin dekabrından ifadə verməyə başlayıb.
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
