Gürcüstanın Daxili İşlər Nazirliyinin Miqrasiya Xidməti son günlər həyata keçirdiyi nəzarət tədbirləri çərçivəsində ümumilikdə 74 xarici vətəndaşı ölkədən çıxarıb. Deportasiya olunanlar arasında Azərbaycan və digər bir sıra ölkələrin vətəndaşları da yer alır.
BAKU.WS xəbər verir ki, Gürcüstan DİN-in məlumatına görə, kompleks əməliyyatlar zamanı Türkiyə, Hindistan, Efiopiya, Pakistan, Keniya, İran, Belarus, Misir, Tacikistan, Rusiya, İraq, Zimbabve, Azərbaycan, Türkmənistan, Ermənistan, Sudan, Uqanda, Özbəkistan və başqa ölkələrin vətəndaşları ölkə ərazisindən kənarlaşdırılıb.
Qeyd olunub ki, mövcud qanunvericiliyə əsasən deportasiya edilən şəxslərə Gürcüstana yenidən giriş qadağası tətbiq edilir.
