ain.az, Azpolitika.az portalına istinadən məlumatı açıqlayır.
Böyük Britaniyanın hazırki Baş naziri Keir Starmerin rəhbərlik etdiyi İşçi Partiyası daxilində böhran dərinləşir.
“AzPolitika” xarici KİV-lərə istinadla xəbər verir ki, partiya üzvləri baş nazirdən istefa tələb edirlər və bu çağırışlar artıq hökumət daxilində də istefalarla müşayiət olunur.
Böhranın əsas səbəbi kimi ötən həftə keçirilən yerli seçkilərdə İşçi Partiyasının ağır məğlubiyyəti göstərilir. Seçkilərdən sonra partiya daxilində narazılıq sürətlə artıb və hökumət komandasının bir üzvü artıq vəzifəsindən gedib.
Böyük Britaniyanın din və icmalar üzrə naziri Miata Fanbulleh istefa verərək baş nazirə ünvanladığı məktubunda sərt ifadələr işlədib. O, bildirib ki, nə ictimaiyyət, nə də özü hökumətin vəd etdiyi dəyişikliklərə inanmır və bu kursla irəliləyiş mümkün deyil.
Eyni zamanda parlamentdə İşçi Partiyasını təmsil edən təxminən 70 deputat da Keir Starmerdən dərhal istefa verməsini tələb edib. Onlar seçki nəticələrini partiya üçün ciddi siyasi siqnal kimi dəyərləndirirlər.
Bütün bu təzyiqlərə baxmayaraq, Baş nazir istefa çağırışlarını rədd edib. Starmer bəyan edib ki, hökumətə rəhbərliyi davam etdirəcək və ölkəni idarə etmə kursundan geri çəkilmək niyyətində deyil.
Beləliklə, Britaniyada yerli seçkilərdən sonra yaranan siyasi gərginlik təkcə partiya daxilində deyil, hökumət səviyyəsində də açıq böhrana çevrilmək üzrədir.
“AzPolitika.info”
Ən son xəbərləri və yenilikləri almaq üçün ain.az saytını izləyin.
