Ukrayna dünyanın ən böyük müdafiə texnologiyaları şirkətlərindən biri olan “Palantir” ilə birlikdə müharibədə süni intellekt tətbiq edir.
Herbiand.az Ukrayna mənbələrinə istinadən xəbər verir ki, bunu müdafiə naziri Mixaylo Fedorov bildirib.
"Palantir Technologies şirkətinin baş direktoru Aleks Karp ilə görüşdüm. Aleksin 2022-ci ilin iyun ayında tammiqyaslı işğalın başlamasından sonra Kiyevə şəxsən gələn və Ukraynanı dəstəkləyən ilk Qərb texnologiya şirkətlərinin baş direktorlarından biri olması simvolikdir. O vaxtdan bəri fəal əməkdaşlıq edirik", - deyə o qeyd edib.
Fedorov bu əməkdaşlığın nəticələrini təsvir edib. Xüsusilə, onlar hava hücumlarının ətraflı təhlili üçün bir sistem hazırlayıblar, böyük həcmdə kəşfiyyat məlumatlarının emalı üçün süni intellekt həllərini tətbiq ediblər və dərin hücum əməliyyatlarının planlaşdırılmasına texnologiyalar inteqrasiya ediblər.
