ain.az, Bakupost portalından verilən məlumatlara əsaslanaraq xəbər verir.
Azərbaycan Milli İsdtiqlal Partiyasının (AMİP) sədri, millət vəkili Arzuxan Əlizadə və beynəlxalq məsələlər üzrə sədr müavini Elşən Mustafayev aprelin 29-dan mayın 2-dək Xorvatiyanın paytaxtı Zaqreb şəhərində Beynəlxalq Demokrat İttifaqının (İDU) “İDU Forum-2026, Zaqreb” adı altında təşkil etdiyi beynəlxalq tədbirdə və İDU-nun İcracı toplantısında iştirak ediblər.
Bakupost.az xəbər verir ki, bu barədə AMİP-in mətbuat xidməti məlumat verib.
Foruma İDU üzvü olan sağ mərkəz yönümlü partiyaların rəhbərləri, bir sıra sabiq dövlət və hökumət başçıları, müxtəlif analitik beyin mərkəzlərinin nümayəndələri, siyasi ekspertlər, diplomatlar, ümulikdə 300-dən artıq nümayəndə qatılıb.
Forumda müxtəlif məsələlərə həsr olunmuş panellərdə mövcud münaqişələr dönəmində narahat və dəyişən dünya, hazırki transatlantik münasibətlər, Avropanın gələcəyəni müəyyən edəcək faktorlar, Rusiya-Ukrayna müharibəsi, Yaxın Şərqdə baş verən hadisələr və digər aktual məsələlər müzakirə mövzusu olub.
İDU-nun İcraçı Toplantısında isə təşkilat daxili məsəllər müzakirə olunub, dünyada baş verən hadisələrə münasibət bildirilib və müvafiq qətnamələr qəbul edilib.
Rüfət Sultan, BakuPost
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
