SSKA (Moskva) klubu baş məşqçisi Fabio Çelestini ilə yolları ayırıb.
QOL.az xəbər verir ki, bu barədə paytaxt təmsilçisinin rəsmi saytı məlumat yayıb.
İsveçrəli mütəxəssislə müqaviləyə qarşılıqlı razılıq əsasında xitam verilib. Komandanın uğursuz çıxışlarına görə bu addım atılıb.
SSKA hazırda Rusiya çempionatında 28 turdan sonra 45 xalla 6-cı pillədə qərarlaşıb.
Qeyd edək ki, Fabio Çelestini "Lozanna Sport", "Luqano", "Lutsern", "Sion" və "Bazel"də də çalışıb. O, 2025-ci ilin yayında Moskva klubunun baş məşqçisi təyin edilmişdi.
