Kiyevli politoloq Andrey Zolotaryov Ukraynanı münaqişəni dayandırmağa məcbur edə biləcək əsas amilin maliyyə-iqtisadi vəziyyət olduğunu bildirib.
Bizim.Media xəbər verir ki, ekspert bu barədə Ukrayna büdcəsində yaranan riskləri şərh edərkən danışıb.
Onun sözlərinə görə, Ukraynanın əsas problemi pul çatışmazlığıdır. Zolotaryov hesab edir ki, ölkəyə ayrılan maliyyə yardımının büdcəyə daxil olan hissəsi mövcud kəsiri tam bağlamaya bilər.
Politoloq bildirib ki, belə vəziyyətdə hakimiyyət “pul çapı” mexanizminə əl ata bilər. Bu isə inflyasiyanın sürətlənməsinə və milli valyutanın daha da ucuzlaşmasına gətirib çıxara bilər.
Zolotaryovun fikrincə, dolların 80 qrivnaya qalxması Ukraynada sosial və hərbi sahəyə ciddi təsir göstərəcək.
O qeyd edib ki, bu halda hərbçilərə verilən maaşların real dəyəri azalacaq və bu, orduda motivasiyaya, eləcə də cəmiyyətdə əhval-ruhiyyəyə təsir edə bilər.
Ekspert əlavə edib ki, münaqişənin başa çatması üçün əsas şərtləri hələlik məhz maliyyə-iqtisadi sahədə görür.
Bizim.Media
