Apa.az portalından əldə olunan məlumata əsasən, ain.az xəbər verir.
İranda MOSSAD-la əlaqəli iki nəfər edam edilib.
APA-nın Tehran bürosunun məlumatına görə, edam olunan şəxslərin ötən ilin iyun ayında İran və İsrail arasında baş vermiş qarşıdurma zamanı MOSSAD-la əməkdaşlıq etdikləri bildirilib.
Məlumata əsasən, onlar ölkəyə aid həssas məlumatları MOSSAD əməkdaşlarına ötürməkdə ittiham olunublar.
Həmçinin qeyd olunub ki, təqsirləndirilən şəxslər partlayış səslərinin yaradılması, MOSSAD-ın göstərişləri əsasında müxtəlif fəaliyyətlərin həyata keçirilməsi, hərbi obyektlərin görüntülənməsi, təhlükəsizlik qurumlarına yalan məlumatların verilməsi, müxtəlif məkanların ünvanlarının və mühüm dövlət şəxsləri barədə məlumatların toplanaraq ötürülməsi kimi əməllərdə günahlandırılıblar.
Bildirilib ki, təqsirləndirilən şəxslər barəsində çıxarılan hökm bütün məhkəmə mərhələlərindən keçdikdən və Ali Məhkəmə tərəfindən təsdiqləndikdən sonra bu gün səhər saatlarında icra olunub.
Haşim Rahimi
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
