Həkim Rupa Parmer süd məhsullarından kütləvi imtinanın gənclər arasında bağırsaq xərçənginin artmasına səbəb ola biləcəyini iddia edir.
Onun fikrincə, hər gün bir stəkan süd içmək orqanizmi ağır xəstəliklərdən qorumaq üçün kifayətdir. Oksford Universitetinin tədqiqatlarına istinad edən həkim südün bu növ xərçəng riskini 17 faiz azaltdığını bildirib.
Bu qoruyucu təsir süddəki kalsiumun xüsusiyyətləri ilə izah olunur. Yoğun bağırsaqda kalsium öd turşuları ilə birləşərək onların xərçəng yaradan təsirini minimuma endirir. Son illər adi südün bitki mənşəli alternativlərlə əvəzlənməsi bağırsaq sağlamlığını daha həssas vəziyyətə gətirib.
Həkimlər qeyd edirlər ki, kalsium çatışmazlığı bağırsaqların müdafiə baryerini zəiflədir. Düzgün qidalanma vərdişlərinə qayıtmaq və gündəlik rasiona süd əlavə etmək gələcək fəsadların qarşısını ala bilər.//Demokrat.az
