ABŞ prezidenti Donald Trampın oğulları Erik və Donald Qazaxıstanın volfram hasil edən mədən şirkətində pay alıblar.
Moderator.az xəbər verir ki, məlumatı Financial Times (FT) mənbələrə istinadən yayıb.
Qəzetin məlumatına görə, qardaşlar 2025-ci ilin avqust ayında Skyline Builders tikinti qrupunda pay alıblar. Şirkət daha sonra mədən şirkəti olan Kaz Resources-də 20 faiz pay alıb.
Aprelin 30-da Cove Kaz Capital və Kaz Resources Skyline ilə birləşmək barədə razılığa gəlib. Yeni şirkət Nasdaq-da Kaz Resources ticker simvolu altında ticarət etməyi planlaşdırır. FT-nin qeyd etdiyinə görə, birləşməni elan edən mətbuat açıqlamasında qardaşlardan heç biri qeyd edilməyib.
Kiçik Donald Trampın sözçüsü qəzetə onun yalnız passiv investor olduğunu və şirkətin əməliyyatlarında heç bir iştirakının olmadığını vurğulayıb.
