Beynəlxalq Xilasetmə Komitəsi (IRC) xəbərdarlıq edib ki, Avropa ölkələri tərəfindən Əfqanıstandan olan qaçqınların deportasiyası ölkədəki vəziyyəti daha da ağırlaşdıra bilər. Təşkilatın məlumatına görə, Əfqanıstanda əhalinin böyük bir hissəsi aclıq və yoxsulluq içində yaşayır.
QHT.az xarici mediaya istinadən bildirir ki, hazırda Avropa İttifaqında 22 mindən çox əfqan ölkəni tərk etməyə məcbur edilib. IRC qeyd edir ki, onların geri qaytarılması təhlükəsizlik, qida və səhiyyə xidmətlərinin çatışmadığı bir mühitə düşmələri deməkdir.
Məlumata görə, Əfqanıstanda 17 milyon insan ərzaq çatışmazlığı yaşayır, milyonlarla insan isə kritik aclıq riski altındadır. Uzunmüddətli münaqişə, quraqlıq və iqtisadi böhran vəziyyəti daha da çətinləşdirib.
IRC həmçinin bildirir ki, Balkan marşrutu ilə Avropaya gələn miqrantların böyük hissəsi əfqanlardır və onların arasında çoxlu sayda uşaq da var. Təşkilat beynəlxalq ictimaiyyəti humanitar yardımı artırmağa çağırır.
