Ötın ürəyi dayanaraq xəstəxanaya yerləşdirilən gənc aktyor Oktay Çubukun son vəziyyəti açıqlanıb.
Far.Az xəbər verir ki, həkimlərin sözlərinə görə, hazırda o reanimasiyadadır və müalicəsi davam etdirilir. Onun hələ bir müddət daha xəstəxanada qalacağını bildirirlər.
Oktay Çubuk Portuqaliyanın paytaxtı Lissabon şəhərində olarkən qəfildən səhhti pisləşib və onun ürəyi dayanıb. Dərhal xəstəxanaya çatdırılan aktyorun ürəyi həkimlərin səyi nəticəsində yenidən işə salınıb.
İlk tibbi yardımdan sonra 30 yaşlı aktyorun həyati təhlükəsi aradan qaldırılıb.
Qeyd edək ki, Oktay Çubuk 12 mart 1996-cı ildə Türkiyənin İzmir şəhərində anadan olub.
Orta təhsilini İzmir Amerika Kollecində alıb,
Daha sonra İstanbul Bilgi Universitetinin Kino və Televiziya fakültəsinə yüksək nəticə ilə daxil olub.
O, karyerasına "Cennetin Gözyaşları" serialı ilə başlayıb.
Daha sonra rejissor Nisan Dağın "Bir Nefes Daha" filmində baş rolda çəkilib.
