Məşhur israilli sehrbaz Uri Geller Prezident Donald Trampa müraciət edərək teleportasiyanın gerçək olduğunu deyib.
“Cebheinfo.az” xəbər verir ki, Uri Geller baxışları ilə metal qaşıqları əyməsi ilə dünyada məşhurdur.
79 yaşlı sehrbaz, FEMA (Federal Fövqəladə Halların İdarə Edilməsi Agentliyi) rəsmisi Qreqq Filipsi müdafiə edib. Qreqq Filips son zamanlar öz iradəsinə zidd olaraq müxtəlif yerlərə, o cümlədən guya “Waffle House”-un qarşısına aparıldığını iddia edir.
Qalmaqal Filipsin bir podkastda çıxışında bir sıra izah olunmamış hadisələri danışmasından sonra başlayıb. O, iddia edib ki, avtomobili bir dəfə sanki "havaya qaldırılıb" və təxminən 40 mil uzaqlıqdakı xəndəyə atılıb. Lakin daha qəribəsi, onun təsvir etdiyi başqa bir epizod idi:
"Mən dostlarla idim və birdən təxminən 50 mil uzaqlıqdakı “Waffle House”-da oldum. Dedilər ki, bu mümkün deyil, sən burada idin. Amma onların dedikləri mümkün deyildi”.
"Teleportasiya nə deməkdir? O zarafat edirdi? Teleportasiya haqqında heç nə bilmirəm... Bu, bir az qəribə səslənir, amma mən bunu anlayacağam".
Uri Geller 1970-ci illərdə Amerika kəşfiyyat orqanları tərəfindən araşdırıldığı zaman "demək olar ki, eyni" bir hadisə ilə qarşılaşdığını iddia edib.
O, Manhettendə gəzərkən onu havaya qaldıran və dərhal onlarla kilometr uzaqlığa aparan "görünməz bir qüvvəni" hiss etdiyini deyib. O, növbəti anda özünü Mərkəzi Kəşfiyyat İdarəsi ilə onun "qabiliyyətlərini" öyrənmək üçün çalışan tədqiqatçı Dr. Andriya Puhariçin evində gördüyünü iddia edir. Geller şoka düşdüyünü deyib.
İndi Geller Donald Trampı iddiaları ciddiyə almağa və mümkün teleportasiya hadisələri ilə bağlı araşdırma başlatmağa çağırıb.
Onun sözlərinə görə, bu cür hallar "kainatın əsl təbiətinə" işarə edə və hətta UNO-ları əhatə edən bəzi sirləri izah edə bilər:
"Prezident Tramp, onun dediklərinə diqqətlə qulaq asın. Bunu qulaqardına vurmayın. Araşdırın”.
