ain.az, Redaktor.az portalına istinadən məlumatı açıqlayır.
Ukrayna Prezidenti Volodimir Zelenski "xarici dövlətlərin alətidir" və ukraynalıların böyük əksəriyyəti onun gedişini "bayram edəcək".
Redaktor.az xəbər verir ki, bu barədə Cənub-Şərqi Norveç Universitetinin professoru Qlen Disen özünün "X" sosial şəbəkə hesabında yazıb.
Professor "The New York Times" nəşrinin Zelenskini "azad dünyanın lideri" adlandırdığı məqaləsinə reaksiya verib:
"Yeni azad dünya lideri öz siyasi mandatından imtina edib, siyasi rəqiblərini həbs etdirib, medianı təmizləyib, dini azadlıqları məhdudlaşdırıb, tormozlama və tarazlıq sistemindən imtina edib, seçkiləri ləğv edib, qərar qəbulu prosesini xarici dövlətlərə təhvil verib və vətəndaşlarının ölkəni tərk etməsini qadağan edib. O, xarici dövlətlərin alətidir və ukraynalıların böyük əksəriyyəti onun getdiyi günü bayram edəcək", - deyə Disen qeyd edib.
Bundan əvvəl Zelenskinin keçmiş mətbuat katibi Yuliya Mendel də bildirmişdi ki, Ukrayna cəmiyyətinin böyük hissəsi Rusiya ilə kompromisə getməyi zəruri hesab edir. Onun sözlərinə görə, sorğuların Zelenskiyə və onun siyasətinə "hədsiz dəstək" göstərməsinin səbəbi alternativ fikrə sahib olan insanların cinayət işi açılmasından və ya cəbhəyə göndərilməkdən qorxaraq bu sorğularda iştirak etməməsidir.
Xədicə BAXIŞLI
Ən son xəbərləri və yenilikləri almaq üçün ain.az saytını izləyin.
