Teleaparıcı Vladimir Solovyov bloqçu Viktoriya Bonyanı efirdə təhqir etdiyinə görə ondan üzr istəyib.
“Cebheinfo.az” xəbər verir ki, Vladimir Solovyov "Birincisi, çox gözəl görünürsən. İkincisi, bəli, əlbəttə ki, üzr istəməliyəm.
Tamamilə haqlısan. Əlbəttə ki, həddindən artıq emosional idim və təbii ki, dediklərimin arxasındakı motivasiya və nə üçün olmasından asılı olmayaraq, efirdə dediyim sözlərə daha sərt yanaşmalı idim", - "Full Contact" verilişində Bonya ilə canlı yayımda deyib.
O, Bonyanın Vladimir Putindən qorxan insanlar haqqında dediklərindən qəzəbləndiyini bildirib.
Bu sözlər Qərb mediası tərəfindən yayılıb, lakin Solovyov Rusiya xalqının əslində prezidentdən qorxmadığını, onu sevdiyini söyləyib.
"Üzr istəməyinizə şadam", - deyə Bonya bildirib.
Xatırladaq ki, 14 apreldə Viktoriya Bonya Putinə xalq adından müraciət dərc edib. O, "heç bir qubernatorun danışmayacağı" beş məsələni sadalayıb və insanların Putindən qorxduğu halda özünün qorxmadığını bildirib.
Kreml Bonyanın qaldırdığı məsələlər üzərində "işlərin davam etdiyini" deyib. Daha sonra Bonya göz yaşları içində Putinə və Peskova müraciətinə baxdıqları üçün təşəkkür edib.
Bonyanın müraciəti geniş müzakirələrə səbəb olduqdan sonra Vladimir Solovyov onu axşam şousunda "çirkli ağzını açıb məkanı zibilləməməli olan" "pis fahişə" adlandırıb.
Parlament üzvü Vitali Milonov da təhqirlərə qoşularaq Bonyanı "savadsız bloger" və "müşayiətçi" adlandırdı. Sosial media istifadəçiləri Solovyovu təhqirlərinə görə tənqid ediblər.
Videoda “Hörümçək adam” kimi geyinmiş Solovyov, Milonov və onun haqqında şərhlər yazan Artemi Lebedevlə döyüşürdü.
