Azertag saytından verilən məlumata əsasən, ain.az məlumatı açıqlayır.
Bakı, 28 aprel, AZƏRTAC
Barselona Universitetinin alimləri 1600 il yaşı olan qədim Misir mumiyasının içərisində Homerin məşhur “İliada” poemasından bir hissəni tapıblar.
AZƏRTAC xəbər verir ki, “New York Post” qəzetinin məlumatına görə, üzərində şeir olan papirus parçası Oksirinxusda tapılmış bir mumiyada aşkarlanıb.
Dəfn eramızın IV əsrinə aiddir. O vaxt Misir Roma imperiyasının bir əyaləti idi. Yunan dilində yazılmış papirus parçası mumiyanın qarın boşluğuna yerləşdirilib. İspan alimləri bunun tarixdə ilk belə kəşf olduğunu bildirirlər.
Professor İqnasi-Xavyer Adieqo qeyd edib ki, arxeoloqlar hələ 19-cu əsrdə Oksirinxus ərazisində məktublar və ədəbi əsərlər də daxil olmaqla, yunan və latın mətnlərini ehtiva edən minlərlə papirus tapıblar. Lakin mumiyanın içərisində ədəbi əsərin yer aldığı papirusun kəşfi həqiqətən yeni tapıntıdır.
Alimlər mumiyaya məhz “İliada”dan olan parçanın niyə qoyulduğunu bilmirlər, lakin bəziləri mərhumun onu sevdiyi ehtimalını irəli sürürlər. Bundan əlavə, dəfn yerində mis və qızıldan hazırlanmış dillər tapılıb. Bunlar sarkofaqa ona görə qoyulub ki, mərhum axirətdə tanrılarla ünsiyyət qura bilsin.
Ən son xəbərləri və yenilikləri almaq üçün ain.az saytını izləyin.
