Dünya Minifutbol Federasiyası (WMF) milli komandaların yeni reytinq cədvəlini açıqlayıb.
QOL.az xəbər verir ki, siyahının ilk pilləsində son dünya çempionatının qalibi olan Azərbaycan millisi qərarlaşıb. Aktivində 4085 xal olan yığmamız ilk dəfə belə göstəriciyə yiyələnib.Daha əvvəl millimiz heç vaxt 1-ci pillədə qərarlaşmamışdı.
Sıralamanın ikinci pilləsində 3890 xalla son Avropa çempionu Serbiya millisi yer alır. İlk üçlüyü isə 3385 xalla Rumıniya komandası tamamlayır.
