Mali hökuməti müdafiə naziri Sadio Kamaranın terror hücumlarında ölümündən sonra iki günlük matəm elan edib.
Ucnoqta.az bildirir ki, hökumət sözçüsü İssa Ousmane Coulibaly bu barədə məlumat verib.
O, ORTM milli radiostansiyasında çıxışı zamanı bildirib ki, dövlət naziri, müdafiə naziri və veteranlar işləri naziri general Sadio Kamaranın xatirəsinə 27 aprel gecə yarısından başlayaraq ölkə daxilində iki günlük matəm elan edilib.
Məlumata görə, matəm müddəti ərzində bütün ictimai binalar və müəssisələrdəki bayraqlar yarıya endiriləcək.
