Misli Premyer Liqasında 29-сu tur başlayır.
Fanat.Az xəbər verir ki, tur çərçivəsində bu gün iki görüş keçiriləcək.
Hər iki oyun bölgədə baş tutacaq. Əvvəlcə Qubada "İmişli" ilə "Sumqayıt" münasibətlərinə aydınlıq gətirəcəklər. Saat 16:00-da başlayacaq qarşılaşmanı FİFA referisi Elçin Məsiyev idarə edəcək.
Daha bir FİFA referisi Kamal Umudlunun baş hakimi olacağı ikinci qarşılaşmada isə "Qəbələ" "Araz-Naxçıvan"ı qəbul edəcək. Kaxaber Tsxadadzenin komandası ev oyunundan qalib ayrıla bilsə, azı bir günlük 10-cu pilləyə yüksələcək ki, bu yer elitada qalmaq uğrunda pley-off matçından yayınmağa imkan verir.
Qeyd edək ki, turun qalan oyunları 26-27 apreldə keçiriləcək.
Misli Premyer Liqası
29-cu tur
25 aprel
16:00. “İmişli” – “Sumqayıt”
Hakimlər: Elçin Məsiyev, Elşad Abdullayev, Pərvin Talıbov, Alik Yunusov.
VAR: Elvin Bayramov, Müslüm Əliyev.
Hakim-inspektor: Anar Salmanov.
AFFA nümayəndəsi: Eldar Məmmədov.
Quba. Olimpiya İdman Kompleksinin stadionu.
18:30. “Qəbələ” – “Araz-Naxçıvan”
Hakimlər: Kamal Umudlu, Namiq Hüseynov, Vüsal Məmmədov, Ruslan Quliyev.
VAR: Vüqar Həsənli, Əkbər Əhmədov.
Hakim-inspektor: Orxan Məmmədov.
AFFA nümayəndəsi: Elçin Məmmədov.
Qəbələ. Şəhər stadionu.
