ain.az, Azertag saytına istinadən bildirir.
Bakı, 24 aprel, AZƏRTAC
ADA Universitetində keçirilən 14-cü Karyera Sərgisinin əsas məqsədi tələbələri birbaşa aparıcı şirkətlərlə əlaqələndirməkdir.
AZƏRTAC xəbər verir ki, bunu universitetin Karyera xidmətləri ofisinin meneceri Təranə Aslanova jurnalistlərə açıqlamasında bildirib. Onun sözlərinə görə, tədbirdə 150 şirkətin kadrlar şöbəsindən 400-dən çox nümayəndə iştirak edir.
Təranə Aslanova qeyd edib ki, sərgi çərçivəsində tələbələr öz CV-ləri ilə şirkətlərə müraciət etmək imkanı qazanırlar. Eyni zamanda, şirkət nümayəndələri öz fəaliyyət istiqamətləri barədə məlumat verir və tələbələrlə müzakirələr aparırlar. Onun sözlərinə görə, bu cür tədbirlər tələbələrin iş bazarı ilə yaxından tanış olmasına və gələcək karyeralarını formalaşdırmağa mühüm töhfə verir. Nəticədə karyera sərgisindən sonra iştirakçıların əksəriyyəti işlə təmin olunur.
Müxbir-Xatirə Cəfərova
Fotoqraf- Tofiq Babayev
Operator-Ələkbər Baxşıyev
Daha ətraflı məlumat və yeniliklər üçün ain.az saytını izləyin.
