Avropa İttifaqı Rusiyaya qarşı 20-ci sanksiya paketini qəbul edib.
APA-nın Moskva bürosu xəbər verir ki, Aİ-nin sanksiya paketində Rusiya tətbiq olunan məhdudiyyətlər məlum olub.
Belə ki, enerji sahəsində tətbiq olunan məhdudiyyətlərə görə, Aİ Rusiya neftinin dəniz yolu ilə daşınmasını qadağan etməsə də, gələcəkdə belə bir qadağa üçün hüquqi əsas yaradıb.
Rusiyanın 46 tanker qara siyahıya salınıb. Onların ümumi sayı hazırda 632-dir.
2027-ci ilin yanvar ayından etibarən LNG terminallarına Rusiya şirkətlərinə xidmət göstərmək qadağan olunub.
Rusiya LNG tankerlərinə və buzqıran gəmilərinə texniki xidmət və digər xidmətlərin göstərilməsi də qadağan olunub.
Murmansk və Tuapse limanları, eləcə də İndoneziyanın Karimun limanındakı neft terminalı ilə əməliyyatlara da qadağa tətbiq olunub.
Maliyyə sahəsindəki sanskiyalara gəldikdə isə, 20 Rusiya bankı ilə əməliyyatlara qadağa qoyulub.
Bundan əlavə, kripto aktivlərinin mübadiləsinə icazə verən Rusiya platformalarına qarşı sektoral sanksiyalar da tətbiq olunub. RUBx kriptovalyutası ilə əməliyyatlar qadağan olunub.
Avropa İttifaqı rəqəmsal rublun inkişafına hər hansı dəstəyi qadağan edib.
İdxal və ixrac sahəsində məhdudiyyətlərə isə Rusiyaya 360 milyon avro dəyərində bir sıra malların və 570 milyon avro dəyərində Rusiya mallarının idxalına qadağa daxil edilib.
20-ci sanskiya paketinə görə, Avropa İttifaqı ammonyak idxalına kvotalar tətbiq edib. Bildirilib ki, Rusiya müdafiə sektorunun texnoloji inkişafına töhfə verən məhsulları istehsal edən Çin, Türkiyə və BƏƏ-dən olan 60 şirkətdaha sərt ixrac məhdudiyyətlərinə məruz qalacaq: "Avropa Birliyi Rusiyaya kibertəhlükəsizlik xidmətlərinin göstərilməsini qadağan edir.
Bir sıra Rusiya media orqanlarına yayım məhdudiyyətləri tətbiq olunur, lakin jurnalistlər Avropada işləməyə davam edə bilərlər".
Şəxsi sanskiyalara gəldikdə isə, Avropa İttifaqı Rusiyadan 46 tanker, 117 fiziki şəxs və 60 hüquqi şəxsi qara siyahıya salıb. Eyni zamanda Rusiyadan 33 fiziki şəxs və 83 təşkilat məhdudiyyətlərə məruz qalıb.
Belarusa qarşı məhdudiyyətlərinin bir hissəsi olaraq, AB ilk dəfə olaraq Belarus hərbi texnikasının istehsalında iştirak etməkdə ittiham olunan Çin şirkətinə qarşı sanksiyalar tətbiq edib.
