ain.az, Kulis.az portalından verilən məlumatlara əsaslanaraq xəbər verir.
"The Devil Wears Prada" filminin ikinci hissəninin premyerası keçirilib.
Kulis.az xəbər verir ki, ilk filmin aktyor heyətindən Meril Strip, Enn Heteuey, Emili Blant və Stenli Tuççi var, həmçinin Simon Eşli və Kennet Brana da yeni heyətə qatılıb.
2006-cı ildə ekranlara çıxan ilk filmdə olduğu kimi yeni ekran işində də əsas diqqət rəngarəng baş qəhrəmanların həyatına və onların daim dəyişən media mənzərəsində moda jurnalistikası dünyasında necə ayaq üstə qaldıqlarına yönəlib.
"Köhnə başmaqlar kimi rahat..."
Qırmızı xalıda mətbuata danışan Enn Heteuey bildirib ki, 20 il əvvəl orijinal layihəyə imza atmaq kimi "ilk instinktindən" sonra yenidən filmin bir hissəsi olmaq ona çox böyük əyləncə yaşadıb.
Emili Blant isə əfsanəvi Emili roluna qayıtmasının onun üçün "çox asan – rahat, köhnə başmaqlar kimi" olduğunu qeyd edib. Uşaqlarının bu həftə filmi izləyərkən çox bəyəndiyini deyən Blant orijinal ekran işinin "belə epik bir ömrü olacağını və nəsillər tərəfindən seviləcəyini" əvvəlcədən bilmədiyini etiraf edib:
"İkinci filmin çəkilişlərinə başlayanda onun bu qədər səs-küy yaradacağını təsəvvür belə etmirdik. Biz sadəcə davam filmini çəkməyə köklənmişdik və insanların buna sevinəcəyini düşünürdük. Amma çəkilişlərimizi izləmək üçün minlərlə insan küçələrə axışanda özümə 'Vau, bu ki dəlilikdir' dedim".
Yeni simalar və böyük təcrübə
Filmdə qısa bir epizodda (kameo) yer alan məzmun yaradıcısı və sosial media ulduzu Ameliya Dimoldenberq layihədə "bircə anlıq" da olsa, göründüyünə inana bilmədiyini deyib:
"Xatırlayıram, 12 yaşım olanda onu görmək üçün kinoteatra getmişdim və həqiqətən də bu filmin həyatımı dəyişdiyini düşünürəm".
Dimoldenberq qeyd edib ki, məhz bu filmə baxdığına görə gedib moda jurnalistikasını oxuyub:
"Həmişə jurnallarda işləmək istəyirdim, buna görə də Nyu-Yorkdakı çəkiliş meydançasında olmaq mənim üçün çox xüsusi bir an idi".
Yeni filmdə Miranda Pristlinin köməkçilərindən birini canlandıran komediya ustası və yazar Kaleb Hiron həmişə bu filmin böyük pərəstişkarı olduğunu, lakin qəhrəmanları ilə eyni çəkiliş meydançasında olarkən özünü çox sakit və normal aparmağa çalışdığını bildirib:
"Filmdə çalışan bütün o inanılmaz insanların əhatəsində olmaq çox həyəcanverici və qürurverici idi. Amma ümid edirəm ki, özümü normal aparmışam – əgər belə deyildisə, kimsə mənə desin," – o, arxasında şəkil çəkdirən həmkarlarına baxaraq zarafatlaşıb.
Simon Eşli də filmdə Mirandanın yeni nəsil köməkçilərindən biri kimi çıxış edir. Aktrisa bu rolunu karyerasının ən unudulmaz anlarından biri adlandırıb:
"Emili, Enni, Stenli və Meril – hamı çox gözəl, çox mehriban idi. Onlarla işləməkdən böyük zövq aldım və çoxlu xoş xatirələrim qaldı. Sadəcə onları izləmək mənim üçün bir növ masterklas idi".
"Bu insan mənə tanışdır..." - Südabə Ağabalayeva
Jak Lakan: "Sevgi - olmayan bir şeyi olmayan birinə verməkdir..."
Bu cəmiyyət nə qədər ki, müəllimini günahkar sayacaq...
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
