Azərbaycan millisi yenidən Avropa çempionu oldu!

Yunan-Roma güləşi üzrə Azərbaycan millisi titulunu qoruyaraq növbəti dəfə Avropa çempionu adını qazanıb.

Arena.az xəbər verir ki, Albaniyanın paytaxtı Tiranada təşkil edilmiş Avropa çempionatında yunan-Roma güləşi üzrə yarışa yekun vurulub.

Azərbaycan millisi bu yarışda uğurlu çıxış edərək titulunu qoruyub. Belə ki, 2 qızıl, 3 bürünc medal qazanmış yığmamız 133 xalla yenidən Avropa çempion olub. Türkiyə millisi 121 xalla ikinci, Gürcüstan yığması isə 118 xalla üçüncü yeri tutub.

Xatırladaq ki, Azərbaycan milli komandasının heyətində Həsrət Cəfərov (67 kq) və Qurban Qurbanov (82 kq) Avropa çempionu olaraq qızıl medala yiyələniblər. Rəşad Məmmədov (55 kq), Nihat Məmmədli (60 kq) və İslam Abbasov (87 kq) isə bürünc medalla kifayətləniblər.

Millimizin üzvlərindən Həsrət Cəfərov da tarixi uğura imza atıb. Belə ki, 4-cü dəfə Avropa çempionu olmuş pəhləvanımız Azərbaycan yunan-Roma güləşində yeni rekord müəyyənləşdirib.

Qeyd edək ki, Avropa çempionatı aprelin 26-da başa çatacaq.